Odayaasha dhaqanka ee beesha Yabardhowrakace Ceyr ayaa ka hadlay dilalkii dhowaan magaalada Dhuusamareeb loogu geystay ganacsato ka soo jeeda beesha Saleebaan.
Odayaasha Beesha ayaa qirtay in dilka labadii nin ee ka dhacay Magaalada Dhuusamareeb ay ka dambeeyeen dabley iyaga ku heyb ah, waxayna ka bixiyeen raali gelin buuxda, iyagoo intaas raaciyey iney aad uga xun yihiin.
Waxay tacsi u direen qoysaskii iyo eheladii ay ka baxeen labada ganacsade
Sidoo kale waxay balan qaadeen inay soo qaba doonaan raggii dilay labada marxuum ayna soo taagio doonaan sharciga si loo mariyo ciqaabta dambiga ay galeen.
Sidoo kale, waxay balan-qaadeen in fal noocaas oo kale ah uusan mar dambe ka dhici doonin magaalada Dhuusamareeb.
Kooxo hubeysan ayaa dhowaan magaalada Dhuusamareeb ku dilay Sheekh Xasan Diirshe iyo Saciid Tahliil oo aad looga yaqaanay Dhuusamareeb kana tirsanaa ganacsatada, waxaana dilkaas oo aad looga xumaaday uu salka klu hayey dilal aano qabiil oo u dhexeeyey labada beelood
HOOS KA DAAWO BAYAANKA BEESHA CEYR
