Wasiirka Maaliyadda Xukuumadda Federaalka Soomaaliya Dr. C/raxmaan Ducaale Beyle ayaa maanta kormeer uu ugu kuurgalayo sida ay u socdaan shaqada waxa uu ku tagay dekada Muqdisho.
Kormeerka uu maanta Wasiirka Maaliyada ku tagay Dekadda Muqdisho ayaa ujeedkeedu ahaa dabo galka iyo hubinta qaabka ay shaqada Dekadda u socoto iyo u adeegida Shacabka wax kala soo degaya Dekadda.
“Maanta waxaan kormeer ku tagay Dakadda Muqdisho ka mid ah ilaha dhaqaalaha Dalka kuwa ugu muhiimsan, si aan u hubiyo qaabka ay shaqadu usocoto. Waxaan dul istaagay goobaha ay sida gaarka ah uga socotay shaqada iyo u adeegida shacabka wax kala soo dagaya Dakadda Magaalada Muqdisho.” ayuu yiri Wasiirka Maaliyada.
Kormeerka uu Wasiirka Maaliyada maanta ku tagay Dekadda Muqdisho ayaa kusoo aadeysa xili dhawaan gudaha Dakeda laga soo xiray masuuliyiintii Wasaarada Maaliyada u xil saarnaa Kastamka Canshuuraha Dekada Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
