Kooxo burcad hubeesan ayaa xalay fiidkii Degaanka Thohoyandou ee gobolka Limpopo ku dilay muwaadin Soomaaliyeed oo lagu magacaabi jiray Naxamed Cali Jimcaale xili uu ku sugnaa goob ganacsi uu lahaa.
Sida aan wararka ku helnay burcada ayaa markii ay galeen dukaan rasaas ku furay muwaadinka Soomaaliyeed ee ku sugnaa dukaanka, iyagoona dilka kadib dukaanka ka qaateen lacago iyo alaabo kale.
Burcada dilka iyo dhaca u geestay muwaadinkan Soomaaliyeed ayaa goobta isaga baxsaday, waxaana daqiiqado kadib dukaanka dilku ka dhacay soo gaaray ciidamo booliiska oo sameeyay baaritaano aysan natiijo kasoo bixin.
Dilalka iyo dhibaatooyinka kale ee muwaadiniinta Soomaaliyeed loogu geesanayo dalka Koonfur Afrika ayaa sii kordhaya, dowlada Koonfur Afrika ayaana ku guul dareesatay badbaadinta ajaaniibta Soomaalida ku jiraan ee dalkeeda nolosha usoo raadsaday.
Xafiiska Shabakada Allbanaadir.com
Muqdisho Somalia
Allbanaadir@live.com
