Booliska Jarmalka ayaa sheegay inay qabteen ilaa 250 qori iyo dhowr kun oo rasaas ah, kuwaasoo uu watay nin la rumeysan yahay inuu yahay mid u janjeera dhanka midigta-fog ama cadaanka xagjirka ah.
Taliska Booliska gobolka Waqooyi-galbeed ee Lower Saxony ayaa sheegay in hubkan laga helay aagga Seevetal, oo koonfurta ka xigta magaalada Hamburg
Bayaan ay soo saareen booliska ayaa lagu sheegay in baarayaasha ay u maleynayaan in ninkan uu ka tirsan yahay Kooxaha garabka midig.
Xaaladaha jira awgood bayaanka laguma faahfaahin magaca ninkaas iyo sababta uu u watay hubka, iyadoo loo aaneynayo baaritaanka socda ee ku saabsan tuhun laga qabo inuu ku xadgudbay sharciyada hubka ee dalkaas ku yaalla.
Rabshadaha ay ku kacaan dadka u janjeera siyaasadaha midig-fog waxay sababeen walaac sii kordhaya Jarmalka sanadihii la soo dhaafay.
Xafiiska Shabakada Allbanaadir.com
Muqdisho Somalia
Allbanaadir@live.com
