Dowladda Kenya ayaa tiro Macalimiin Kenyan ah ka saartay gobolka Soomaalida kaddib markii ay kordheen weerarrada Al-shabaab ay halkaas ka geysanayaan.
Guddiga Macalimiinta ayaa sheegay in dhowr Iskuul oo ku yaalla Bariga Mandhera ay macalimiin la’aan yihiin ka dib markii degaanka laga saaray macalimiintoodii lana geeyey meel amaan ah.
Isniintii ayey aheyd markii Al-shabaab ay weerareen saldhig Ciidanka Kenya ku lahaayeen degaanka Hareeri Hoosle oo u dhaxeeya Magaalada Mandhera iyo Carabia.
Al-shabaab ayaa ka toogtay Askari Boolis ah, waxaana ay saldhigga ka qaateen Hub iyo Raashin sida ay sheegtay dowladda Kenya.
Weerarrada Al-shabaab ayaa cabsi ku abuuray barayaasha aan u dhalan degaanka, waxayna taasi sababtay in halkaas laga wado
Al-shabab ayaa horey weeraro ugu geysatay Iskuulo iyo jaamacado ku yaalla waqooyi Bari Kenya, waxaana ku laayeen macalimiin iyo arday fara badan.
Weerarkii ugu khasaaraha badnaa ayey ay Al-shabaab ka geysteen Jaamacadda Gaarisa sanadkii 2015kii waxaana halkaas ku dhintay 150 qof oo isugu jiray Ardey, Macallimiin iyo shaqaalaha Jaamacada.
Xafiiska Shabakada Allbanaadir.com
Muqdisho-Somalia
Allbanaadir@live.com
