Haweeney kunooleed Xaafada Coka Cola ee Degmada Yaqshiid ayaa dab qabadsiisay gurigii ay degneyd kadib markii la sheegay in Maseyr uu ku dhacay lana dirirtay ninkii qabay.
Haweeneydan Maseyrsaneyd ayaa saakay dab qabadsiisay gurigii ay degneyd, waxa ayna gubtay qeyb kamid ah gurigaasi halka qaar kalana inta uusan dabku gaarin la damiyay.
Aabaha dhalay ninka gabadhan guriga gubtay qabay ayaa sheegay in xalay isku dhaceen gabadha iyo wiilka qabay , waxa uuna sheegay in gabadha dalbatay furiin balse ehel ahaan ku taliyeen in guriga dhisan aan la dumin,
Waxa uu xusay in saakay gabadha ay dab qabadsiisay gurigii ay kunooleed kadib markii laga diiday in la furo, waxa uuna sheegay in uusan jirin khasaaro nafeed oo ka dhashay dabkaasi.
Haweynka maseyrku haleelo ayaa mararka qaarkood waxa ay geestaan dhibaatooyin kala duwan, waxaana dhawaan deegaan kuyaala gobolka Shabeelaha Hoose haweeney maserysan ku dishay ninkeeda.
Xafiiska Shabakada Allbanaadir.com
Muqdisho Somalia
Allbanaadir@live.com
