Wasiirka Arrimaha Dibadda iyo Iskaashiga Caalamiga, Mudane Cabdisalaan Cabdi Cali, ayaa maanta oo Arbaco ah xafiiskiisa ku qaabilay Safiirka dowladda Qatar u fadhiya Muqdisho, Dr. Cabdullaahi bin Salem Al Nuaimi, oo booqasho sharafeed ugu tagay.
Wasiirka iyo Safiirka Qatar , ayaa kulan gaar ah ku yeeshay xarunta Wasaaradda , waxa ayna labada dhinac ay ka wadahadleen xoojinta xiriirka labo geesoodka ee labada dal, iskaashiga nacfi is-dhaafsiga iyo abuuridda fursado iskaashi oo qoto dheer.
Safiirka dowladda Qatar Dr. Cabdullaahi bin Salem Al Nuaimi, ayaa u ballanqaaday Wasiirka cusub ee Arrimaha Dibadda Soomaaliya in dowladiisa taageereyso Soomaaliya, ayna sii kordhinayaan taageerada ay horey u siin jireen.
Dowladda Qatar , ayaa kamid ah dowladaha sida weyn u taageera Soomaaliya, waxa ayna Qatar kaalin muuqata ka qaadatay dib u dhiska dalkeenna, waxa ayna dhaqaalo badan ku taageertaa dowladda Soomaaliya iyo maamulada qaar.
Xafiiska Shabakadda Allbanaadir.com
Muqdisho Somalia
Allbanaadir@live.com
