Rag hubeysan ayaa xalay tuulo kutaalla duleedka magaalada Jowhar ee caasimadda maamulka Hirshabelle ku dilay nabadoon caan ka ahaa magaaladaasi oo lagu magacaabayay Xasan Cali Muude.
Dilka nabadoonka kaddib ayaa la sheegay in koox maleeshiyaad hubeysan oo ku heyb ah nabadoonka la dilay sameeyeen howlgal deg deg ah, waxa ayna kooxdaasi soo qabteen labo nin oo lagu eedeeyay dilka nabadoonka.
Maleeshiyaadka hubeysan ayaana labada nin ay soo qabteen wareysi ay ka qaadeen kaddib mid kamid ah raggaasi isla goobta ku toogtay, waxaana muuqaal la duubayay laga arkayay maleeshiyaadka oo rasaas xooggan huwinaya ninka dilka lagu eedeeyay oo isna dhintay.
Dilka nabadoonka loo geestay ayaa la sheegay in uu salka ku hayay colaad beeleed ka taagneed tuulooyin hoostaga magaalada Jowhar, waxaana nabadoonka la dilay u baxay xal u helida colaad beeleedka taagnaa.
Xafiiska Shabakada Allbanaadir.com
Muqdisho Somalia
Allbanaadir@live.com
