Qarax lagu dilay Sarkaal ka tirsan Ciidamada Hay’adda NISA ayaa la soo sheegayaa inuu xalay ka dhacay magaalada Marka ee Xarunta Gobolka Shabeellaha Hoose.
Qaraxa oo jugtiisa laga maqlay inta badan Xaafadaha magaalada marka ayaa waxaa Gaarigiisa loogu xiray Xasan Cusmaan Cali Biitooni (Taliye Kush-gale) oo ka tirsanaa saraakiisha NISA, kaasoo isla goobta ku qur baxay.
Ninkan ayaa la dhashay gudoomiyihii hore ee degmada Marka Maxamed Cusmaan Cali (Yariisow).
Sarkaalka Ciidamada NISA ka tirsanaa ayaa la sheegay inuu caan ka ahaa magaalada Marka iyo degaannada hoostaga.
Sarkaalka ayaa xilliga uu gaarigiisu qarxayay marayay Xaafada Horseed ee magaalada Marka, waxaana qaraxa sidoo kale ku dhaawacantay Saddex Askari oo ka mid ahaa ilaaladiisa.
Weli ma jiro war ku saabsan qaraxan oo ka soo baxay laamaha Amniga gobolka Sh/hoose iyo Maamulka Magaalada Marka.
Xafiiska Shabakada Allbanaadir.com
Muqdisho Somalia
Allbanaadir@live.com
