Qaraxyo xooggan ayaa waxyeelo gaarsiiyay buundada-waddo tareen oo isku xirta Ruushka gobolka Crimea ee dalka Ukraine oo ruushku sheegtay inuu xoog ku qaatay.
Madaxweynaha Ruushka Vladimir Putin ayaa loo sheegay “xaalad deg deg ah” ee buundada Crimea.
Afhayeenka Kremlin-ka Dmitry Peskov ayaa sheegay in Putin amar ku bixiyay in la sameeyo guddi dowladeed oo baara dhacdadan.
Peskov ayaa u sheegay wakaaladda wararka ee Interfax: “Madaxweynuhu waxa uu faray ra’iisul wasaaraha inuu soo dhiso guddi dowladeed oo soo caddeeya sababaha keenay dhacdadan”.
Waxa uu intaa ku daray in wasiirka gaadiidka Vitaly Savelyev iyo wasiirka xaaladaha degdegga ah Aleksandr Kurenkov ay u socdaalayaan goobta uu shilku ka dhacay.
Bundadan ayaa ah isku xirka kaliya ee ka dhexeeya Ruushka iyo jasiiradda Crimea, oo ay Moscow si sharci darro ah ula wareegtay 2014-kii.
Xafiiska Shabakada Allbanaadir.com
Muqdisho Somalia
Allbanaadir@live.com
