Waxaa maanta magaalada Garawe ee caasimadda dowlad goboleedka Puntland gaaray wafdi hordhac u ah safar lagu wado in Madaxweynaha Soomaaliya Xasan Sheekh Maxamuyud ku tago Puntland.
Wafdiga maanta gaaray magaalada Garawe ayaa waxaa hoggaaminaya Wasiirka Arrimaha Dibadda Soomaaliya Abshir Huruuse, waxaana wafdigan garoonka diyaaradaha Garawe kusoo dhaweeyay masuuliyiin katirsan maamulka Puntland.
Wasiirka arrimaha dibadda Soomaaliya iyo xubnaha la socda ayaa gogol xaar u ah safarka madaxweyne Xasan Sheekh, waxa ayna xubnahan kasii shaqeenayaan kulamo madaxweynaha la qaadan doono madaxweyne Deni iyo masuuliyiin kale
Madaxweyne Xasan ayaa safarkiisii ugu horeeyay ku tagaya deegaanada Puntland tan iyo markii dib loo doortay 15-kii May ee sannadkan, waxa uuna horey Madaxweynaha safaro ugu tagay Galmudug iyo Koonfur Galbeed.
Xafiiska Shabakada Allbanaadir.com
Muqdisho Somalia
Allbanaadir@live.com
