Ciidamada Kumaandooska Soomaaliya ay wehliyaan ciidamo katirsan maamulka Jubbaland ayaa maanta la wareegay deegaan lagu magacaabo Araare oo kuyaala duleedka degmada Jamaame ee gobolka Jubada Hoose.
Saraakiil katirsan Milatariga Soomaaliya ayaa Warbaahinta u sheegay in ciidamada huwanta ah maanta la wareegeen deegaanka Araare oo horey u maamulayeen dagaalyahano katirsan Al Shabaab.
Wararka aan heleyno ayaa sheegaya in ciidamada Huwanta ah deegaanka Araare la wareegeen dagaal la’aan, waxaana deegaankaasi isaga baxay dagaalyahanadii Al Shabaab ee maamulayay.
Ciidamada Kumaandooska, kuwa Jubbaland iyo Ciidamo kale oo wehliya ayaa maalmihii lasoo dhaafay howlgalo milatari waxa ay ka wadeen deegaano katirsan gobolka Jubada Hoose, waxa ayna la wareegeen deegaano dhowr ah oo Al Shabaab horey u heesteen.
Xafiiska Shabakada Allbanaadir.com
Muqdisho Somalia
Allbanaadir@live.com
