Qarax xooggan ayaa ka dhacay banaanka hore ee garoonka diyaaradaha ee Kabul xili weli gudaha garoonkaas ay ka socoto howlo daadgureyn ah oo ay wadaan ciidamada Maraykanka
Xoghayaha warfaafinta ee Pentagonka ayaa sheegay in qaraxaas uu fuliyey qof ismiidaamiyey balse aysan weli helin khasaaraha uu geystay
Madaxweynaha Mareykanka Joe Biden ayaa warbixin laga siiyay qaraxa, sida uu sheegay sarkaal ka tirsan Aqalka Cad.
Biden wuxuu saraakiisha amniga kala hadlayey xaaladda Afghanistan, halkaasoo Mareykanku uu ku jiro tallaabooyinkii ugu dambeeyay ee soo afjaridda dagaallada 20-ka sano ah
Mareykanka ayaa ku dedaalaya sidii uu muwaadiniintiisa iyo qaar ka mid ah muwaadiniinta Afghanistan uga soo qaadi lahaa Kabul ka hor inta uusan milatarigiisu si buuxda uga bixin Afghanistan 31 -ka bishan August.
Xafiiska Shabakada Allbanaadir.com
Muqdisho Somalia
Allbanaadir@live.com
