Wareegto kasoo baxday Gudoomiyaha gobolka Banaadir ahna Duqa magaalada Muqdisho Cumar Maxamuud Maxamed (Finish) ayaa lagu aas aasay waax cusub oo loogu magac daray Waaxda Abaarmiitooyinka Muqdisho.
Cumar Finish ayaana waaxdan cusub uu sameeyay agaasime uga dhigay Kamaaludiin Yuusuf Maxamuud , waxa uuna agaasimaha kamid noqonayaa agaasimayaasha waaxyaha uu ka kooban yahay maamulka Gobolka Banaadir.
Baraha bulshada oo lasoo dhigay wareegtada magacaabistan ayaa hadal heyn badan abuurtay, waxa ayna dadka layaab ku noqotay in waax dhan loo sameeyo guryaha abaarmiitooyinka oo mudooyinkan kusoo kordhay Muqdisho.
Dadka aragtiyada ka dhiibtay ayaana qaarkood ugu baaqayay Duqa magaalada Muqdisho in agaasime iyo waax u sameeyo guryaha baacweynayasaha ama jiingadaha ah iyagoo sidoo kale soo qorayay hadalo kale oo kaftan u badnaa.
Xafiiska Shabakada Allbanaadir.com
Muqdisho Somalia
Allbanaadir@live.com
