Abaabulka bannanbaxa ay ku dhowaaqeen Midowga musharixiinta ayaa ka socda magaalada Muqdisho kaasoo la filayo in maalinta beri oo sabti ah uu ka dhaco taalada Daljirka dahsoon
Goobaha ay degan yihiin midowga musharixiinta ayaa ah kuwo laga dareemayo abaabulka bannaanbaxa, iyadoo musharixiinta ay kulamo la qaadanayaan taageerayooshooda, kuwaasoo ku aadan sidii uu u hirgeli lahaa banaanbaxaas.
Xukumadda Soomaaliya iyo Midowga musharixiinta ayaa ku heshiiyay in bannaanbaxa uu dhaco 6 bisha oo berrito ku beegan, isla markaana doorka amniga dibed-baxayaasha ay qaadato dowladda Soomaaliya.
Waxaa xalay goor dambe natiijo la’aan ku soo dhammaaday shirkii saddexaad ee ay yeesheen Ra’iisul Wasaaraha Soomaaliya Maxamed Xuseen Rooble iyo xubnaha midowga Musharixiinta.
Xubanaha Midowga musharixiinta ayaa xukumadda hor dhigay in la ballaariyo shirka dowladda federaalka iyo dowlad goboleedyada, isla markaasna shirkaasi ay ka qeyb galaan balse xukumadda ayaa diiday codsigaasi, iyadoo tilmaantay in go’aankaas aysan keligeed qaadan karin ayna u taallo madaxda dowlad goboleedyada.
Ma cadda inuu saameyn ku yeelan doono shirkaasi fashilmay bannaanbaxa berri ee mucaaradka abaabulkiisa ka wadaan magaalada Muqdisho.
https://youtu.be/17OJHi0FMtU
Xafiiska Shabakada Allbanaadir.com
Muqdisho Somalia
Allbanaadir@live.com
