Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wefdi uu hoggaaminayo ayaa goor dhowayd safar shaqo oo labo maalmood qaadanaya ugu ambabaxay magaalada Dooxa ee dalka Qatar.
Â
Madaxweynaha Soomaaliya iyo Amiirka Dowladda Qadar Mudane Tamim bin Hamad Al Thani ayaa halkaas ku yeelan doona wada hadallo lagu gorfaynayo xoojinta xiriirka soojireenka ah iyo horumarinta iskaashiga ku qotoma is-ixtiraamka, wax wada qabsiga iyo horumarinta danaha qaran ee labada dowladood iyo labada shacab ee walaalaha ah.
Safarkan Madaxweyne Farmaajo ku aaday dalka Qatar ayaa kusoo aadaya xilli doorashada Xildhibaanada gollaha shacabka heer gebogebo ah mareyso lana filayo in bilaha soo aadan dalka ka dhacdo doorashada Madaxweynaha.
Dowladda Qatar ayaana doorashadii hore maalgelisay Madaxweyne Farmaajo , lamana oga in mar kale sannadkan Qatar ay wadato Farmaajo iyo in kale, waxaana Qatar saameyn xooggan ku leedahay siyaasadda Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
- Advertisement -
