Ciidamada dowladda Soomaaliya iyo kuwa AMISOM ayaa xiray maanta gabi ahaanba wadooyinka waaweyn ee Magaalada Baled-weyne, iyadoo Dadka ku dhaqan Magaaladaas ay saaka ku soo tooseen xaalad ka duwan tii caadiga aheyd.
Goob joogayaal ayaa sheegaya in ciidamada dowladda & kuwa AMISOM ay saaka hakad galiyeen guud ahaan isku socodka dadweynaha iyo gaadiidka.
Ciidamadan oo ku hubeysan hubka culus iyo kuwa fudud iyo waliba gaadiidka gaashaaman ayaa argagax galiyay shacabka ku dhaqan xaafadaha magaalada Baledweyne.
Intii uu howlgalka socday ayaa ciidamadan waxay soo qaqabteen in ka badan 10 dhalinyaro oo lagu xiray saldhiga Booliska Magaalada Baladweyne lamana oga ujeedka howlgalka xalay ilaa saakay ka socda Magaalada.
Howlgaladan ayaa imaanaya xili shacab careeysan ay xalay wadadada laamiga ah ee isku xirta magaalada Baledweyne iyo garoonka diyaaradaha Ugaas Khaliif ay ku jareen dhagxaan fara badan waxaana saaka la arkayay ciidamada oo dhagxaantaasi ka daldalaya.
Xafiiska Shabakada Allbanaadir.com
Muqdisho Somalia
Allbanaadir@live.com
