Al Shabaab ayaa fagaare kuyaala deegaanka Ceel Cadde ee gobolka Gedo ku toogatay nin lagu eedeeyay in uu ahaa saaxir, waxaana ninkan xukun dil ah ku riday kuna fulisay Maxkamada Al Shabaab ee gobolka Gedo.
Ninkan Al Shabaab fagaaraha ku toogteen oo lagu magacaabayay Max’med Sidiiq Xuseen ayaa lagu eedeeyay in falka sixirka ah ku dhibaateeyay shacabka kunool deegaanka Ceel Cadde iyo deegaano kale oo katirsan gobolka Gedo.
Qaadiga Maxkamada Al Shabaab ee xukunka ku riday ninkan ayaa sheegay in Maxamed Sidiiq uu qirtay in uu dadka ku dhibaateenayay falka sixirka ah, waxa uuna cadeeyay in ninkaasi xukunkiisa noqday in la dilo.
Masuuliyiin iyo saraakiil katirsan Al Shabaab ayaa ku sugnaa fagaaraha lagu fulinayay xukunkan dilka ah, waxa ayna Al Shabaab ugu hanjabeen dadka saaxiriinta ah in sidaas oo kale u toogan doonaan.
Xafiiska Shabakada Allbanaadir.com
Muqdisho Somalia
Allbanaadir@live.com
