Somaliland, ayaa markii u horeysay war ka soo saartay Safarka la sheegay in Madaxweynaha Somalia Maxamed C/llaahi Farmaajo ku tagayo magaalada Hargeysa.
Wasiir ku-xigeenka arrimaha dibadda ee Somaliland, Liibaan Yuusuf Cismaan ayaa sheegay inaysan suurtagal aheyn in uu Madaxweyne Farmaajo uu socdaal ku yimaado caasimada Somaliland ee Hargeysa, isagoo arintaas ku sifeeyey riyo maalmeed aan rajo laga qabin iney dhab noqoto.
Qoraal uu soo dhigay bartiisa Twitterka oo ku qornaa luuqada Ingiriiska ayuu wasiirku sheegay in Xukuumada Somaliland ay ilaalineyso jiritaankeeda.
“Somaliland marnaba diyaar uma ahan inay madaxweyne Farmaajo ku soo dhaweyso magaalada Hargeysa, mana dhaceyso” ayuu yiri wasiirka oo intaas ku daray in dastuurka Somaliland uusan ogoleyn in qof xilka haya dowlada Somalia uu cagaha soo dhigo ciida Somaliland.
Xafiiska Shabakada Allbanaadir.com
Muqdisho Somalia
Allbanaadir@live.com
