Dowladda Hindiya, waxay iskudayday inay ka soo kabato fadeexada burburka diyaaradaheeda dagaalka gaar ahaan kuwa casriga ah , kaddib markii warbaahinta Hindiya loo gudbiyay warka la xiriira inay ciidanka Hindiya soo rideen diyaarad F-16 ah oo ay lahaayeen ciidanka Pakistan .
Warkan kasoo baxay Hindiya, waxaa si caro leh u beeniyay Mareykanka oo diyaaradan soo saaray, iyadoo saraakiisha Mareykanka ay xaqiijiyeen inaysan Pakistan adeegsan diyaaradaha F-16 inta uu socdo iska horimaadka, sababtoo ah heshiiska ay ku heshay Pakistan diyaaradda F-16 , waxaa ku jiray inaysan ku weerarri karin Hindiya,sida ay baahisay Reuters.
Milatariga Pakistan , ma adeegsan hubka iyo diyaaradaha galbeedka iyo Ruushka midna, illaa nidaamyada difaaca iyo raadaarka oo dhammaan ahaa wax soosaarka gudaha Pakistan iyo Shiinaha.
Hindiya waxay wajahaysaa fadeexadii u sarreeysay taariikhda dagaallada , kaddib markii wax ka yar 24 saac ay ku lumisay 6 diyaaradood oo ay ku jiraan kuwa jiilka 4.5 ee Faransiiska uu soo saaro ee Rafale oo mid kasta ay joogto $288 milyan oo ay weheliyaan tobannaan diyaaradood oo kuwa aan duuliyaha lahayn.
