Xildhibaanada Baarlamanka Galmudug ayaa goor dhow waxaa uu kulan uga furmay magaalada Dhuusamareeb ee gobolka Galgaduud.
Guddoonka baarlamanka Galmudug ayaa sheegay in ajendaha kulanka maanta uu yahay dhegeysiga khudbadaha Musharaxiinta u taagan Madaxweynaha iyo madaxweyne ku-xigeenka Galmudug.
Guddiga doorashada ayaa sheegay in maanta ay khudbadooda jeedinayaan 9 musharax oo afar ka mid ah ay u taagan yihiin xilka Madaxweynaha, shanta kalena madaxweyne ku-xigeenka kuwaasoo la siiyey shahaadada musharaxnimada, waxayna kala yihiin magacyadooda.
Musharaxiinta Madaxweynaha
1-Axmed Shire Maxamed
2-C/llaahi C/llaahi Samatar
3-C/raxmaan Aadan Sabriye
4-Axmed Cabdi Kaariye (Qoor-qoor)
Musharaxiinta Madaxweyne ku-xigeenka
1-Axmed Yuusug Warsame (Taajir)
2-Cali Daahir Ciid
3-Saadaq C/llaahi Xaashi
4-C/qani Shiikh Cali Diini
5-Maxamed Xaashi Carabey
Maalinta beri ah oo ku beegan 30-ka bisha Janaayo ayaa la filayaa iney dhacdo doorashada Madaxweynaha iyo Madaxweyne ku-xigeenka Galmudug, waxaana doorashadan qaadacay Ahlu sunna iyo madaxweynihii hore ee Galmudug Xaaf.
Xafiiska Shabakada Allbanaadir.com
Muqdisho Somalia
Allbanaadir@live.com
