Faahfaahin: Askari ka tirsan ciidamada dowlada oo lagu dilay Dhuusamnareeb

Askari ka tirsanaa ciidamada dowlada ayaa lagu dilay maanta magaalada Dhuusamareeb ee gobolka Galgaduud.

Sida wararku sheegayaan dilka askarigan ayaa waxaa geystay askari kale oo ka tirsan ciidamada dowlada oo magaaladaas ku jooga.

Goob joogayaal ayaa ku waramaya in labada askari uu markii hore soo kala dhex galay muran ka dibna uu midkood toogasho ku dilay askarigii kale.

Saraakiisha amaanka Dhuusamareeb ayaa sheegaya in askariga dilka geystay uu isku dayey inuu baxsado balse lagu guuleystay in la qabto, waxaana la dhigay xabsiga.

Waa markii ugu horeysay ee magaalada Dhuusamareeb lagu dilo tan iyo markii dhowr bilood ka hor halkaas la geeyey ciidamada dowlada, lana qarameeyey kuwii ahlu suna ee halkaas horey ugu sugnaa.

Xafiiska Shabakada Allbanaadir.com
Muqdisho Somalia
Allbanaadir@live.com