Qarax hoosta looga xiray gaari yar oo nuuca raaxada ah ayaa maanta ka dhacay agagaarka Shineemo Soomaaliya ee degmada Waabari, qaraxan ayaana jugtiisa laga maqlay xaafado katirsan Muqdisho.
Gaariga qaraxa lagu xiray ayaa la sheegay in uu yaalay guri hortiisa, waxaana gaariga uu qarxay xili aysan cidna saarneyn, mana jiro wax khasaaro nafeed ah oo ka dhashay qaraxan gaariga lagu xiray.
Warar soo baxaya ayaa sheegaa in ciidamada amaanka qabteen ruuxii qaraxa ku xiray gaariga, waxaana goobjoogayaal ku warameen in dhalinyaro baabuurta dhaqda ku wargaliyeen ciidamada amaanka ruuxa qaraxa ku xiray gaariga.
Laamaha amaanka ayaan wali ka hadlin qaraxan gaariga lagu xiray ee maanta ka dhacay magaalada Muqdisho iyo wararka sheegaa in ay ciidamada qabteen ruuxii qaraxaasi ka dambeeyay.
Xafiiska Shabakada Allbanaadir.com
Muqdisho-Somalia
Allbanaadir@live.com
