Dawladda Soomaaliya, ayaa xayiraada ka qaaday garoonka diyaaradaha ee degmada Doolow ee gobolka Gedo, halkaas oo maamulaan masuuliyiin katirsan maamulka Jubbaland.
Wasaaradda Amniga Gudaha Soomaaliya , ayaa warqad ay soo saartay xayiraada uga qaaday garoonka diyaaradaha Doolow, diyaaradihii ka degi jiray garoonkaasi ayaa muddo bilooyin ah laga mamnuucay.
Dowladda Soomaaliya, ayaa marar badan isku dayday in maamulka Doolow ku qanciso in ay iska diidaan maamulka Jubbaland, hasa ahaatee maamulka Doolow ayaa iska diiday damaca dowladda Soomaaliya .
