Magaalada Kismaayo ee xarunta KMG ee maamulka Jubbaland ayaa laga mamnuucay in ay maraan gaadiidka aan laheyd sumada ama taarikada, waxaana dadka aan gaadiidkoodu laheyn sumada loo diray digniin adag.
Taliyaha Ciidanka ilaalada Wadooyinka ee Magalada Kismaayo Gaanshaalle dhexe Bashiir Xiis Khaliif ayaa soo saaray amar magaalada looga mamnuucayo in lagu dhax wato gaadiidka aan sumada laheyn.
Waxa uu sheegay taliyaha in magaalada Kismaayo aan lagu arki karin gaadiidka aan sumada laheyn, waxa uuna ugu baaqay ciidamada ilaalada wadooyinka in talaabo ka qaadaan gaadiidka aan taargada laheyn ee magaalada lagu arko.
Magaalada Kismaayo ayaa Gaadiidka laga isticmaalo qaarkood yihiin kuwa aan taargo laheyn , waxaana inta badan gaadiidka taargo la’aanta ah wata dadka u shaqeeya maamulka Jubbaland , ciidanka iyo dad kale oo diidan in la aqoonsado.
Xafiiska Shabakada Allbanaadir.com
Muqdisho Somalia
Allbanaadir@live.com
