Ciidanka Daraawiishta Koonfur Galbeed ee ku sugan deegaanka Burujaad ee gobolka Bay ayaa maanta waxaa isku soo dhiibay xubin ka tirsanaa kooxda Al shabaab
Buubaay Ganuun Salaad ayaa muddo dheer ka tirsanaa saraakiisha Al shabaab ee dagaalada ka waday qeybo ka mid ah Somalia.
Buubay markii uu isu soo dhiibay Ciidanka, ayaa watay qori AK-47 ah iyo booshkiisa
Wuxuu sheegay inuu u dulqaadan waayey dhibaatada saaxiibadiis ku heysato duurka iyo weerarrada ay kala kulmayaan Ciidamada Dowlada sababtaas awgeedna uu uga tanaasulay inuu ka sii mid ahaado kooxdaas.
Saraakiisha ciidamada DF ee gobolka Bay ayaa sheegay iney soo dhoweeyeen sarkaalkan, ayna u lacageyn doonaan hubka uu la soo goostay, iyagoo xubnaha kale ee kooxda ugu baaqay iney ku daydaan.
