Nin hubeysan ayaa toogasho ku dilay laba ka mid ah shaqaalaha safaaradda Israa’iil ku leedahay dalka Mareykanka, dadka la dilay ayaa ku sugnaa bannaanka hore ee Matxafka Yahuudda ee kuyaalla magaalada Washington D.C.
Booliiska dalka Mareykanka , ayaa sheegay in toogashada uu geestay Elias Rodriguez, oo 30sanno jir ah, ninkan ayaana la sheegay in marka uu dilka geesanayay ku dhawaaqayay Falastiin xur, waxa uuna aad uga xumaa xasuuqa Israa’iil u geesaneyso shacabka Falastiin.
Ninka dilka geestay ayaa waxaa gacanta ku dhigay ciidamada booliiska oo hadda baaritaanno ku bilaabay, ninkan toogasho geestay oo kasoo jeeda Chicago ayey booliiska sheegeen in kaligiis lagu tuihmayo in uu falkan ka dambeeyay.
Madaxweynaha dalka Mareykanka Donlad Trump, ayaa si kulul u cambaareeyay toogashada lagu dilay lamanane Yahuud ah, waxa uuna Madaxweynaha weerarkan ku tilmaamay in uu yahay mid yahuud naceyb ah, waxauuna murigada la wadaagay ehelada labada qof ee la toogtay.
Toogashadan ayaa imaaneysa xilli ciidamada Israa’iil xasuuq ba’an ka wadaan magaalada Gasa ee dhulka Falastiin, boqolaal Falastiiniyiin ah ayaa saacado gudahood lagu dilay magaalada Gasa, waxaa sidoo kale loo diiday shacabka in ay helana raashin iyo daawo.
Xafiiska Shabakadda Allbanaadir.com
Muqdisho Somalia
Allbanaadir@live.com
