Magaalada Hargeysa iyo guud ahaan deegaannada Somaliland ayaa waxaa maanta si weyn looga xusay sannad guurada 34-aad ee munaasabadda 18-ka May, oo ku beegan maalinta Somaliland uu sheegtay in uu noqday dal ka madax banaan Soomaaliya inteeda kale.
Madaxweynaha Somaliland, Mudane Cabdiraxmaan Maxamed Cabdilaahi (Cirro), ayaa ka qaybgalay munaasibad ballaadhan oo loogu dabbaaldegayo sannad-guurada 34-aad ee kasoo wareegtay markii Somaliland ay sheegtay iney ka go’day Somalia inteeda kale.
Munaasibadda sannad-guurada 34-aad oo lagu qabtay barxadda weyn ee badhtamaha caasimadda Hargeysa oo ay madaxweynaha kala qaybgaleen madaxweynihii 5-aad ee Somaliland, Mudane Muuse Biixi Cabdi, shirguddoonka labada aqal, guddoomiyaha maxkamadda sare, xildhibaanno, xubno kamid ah golaha wasiirrada, madaxda saddexda xisbi qaran, Diblomaasiyiin iyo wakiillo ka oscda dalalka Somaliland la saaxiibka ah, iyo wufuud kala duwan oo xukuumaddu kusoo casuuntay munaasibadda
Ciro ayaa salaan ka qaatay cutubyo katirsan ciidamada kala duwan ee dalka oo halkaas dhoollatus iyo gaaddo-ka-ciyaar ku soo bandhigay, iyada oo ay qaybaha kala duwan ee bulshada rayidka ah iyo hay;adaha dawladda.
Sidoo kale, ciidamada kala duwan ee Somaliland sida Booliska, asluubta, dab-demiska iyo Militeriga oo hub iyo saanad casri ah oo lagu qalabeeyey, kuwaas oo bandhiggoodu si weyn usoo jiitay bulshadii fagaaraha caasimadda ku sugnayd iyo kuwii daafaha dunida ka daawanayey.
Somaliland ayaan weli aqoonsi caalami ah ka helin caalamka inkastoo ay ku guuleysatay iney sameysato nidaam dowladnimo oo dhameustiran.
HOOS KA DAALACO SAWIRRO
