Nin adeer u ahaa hogaamiyihii hore ee ururka Xisbullah Sheekh Xasan Nasrallah, ayaa la sheegay in lagu dilay duqeymo ay ciidamada Israa’iil ka fuliyeen guri kuyaalla koonfurta dalka Lubnaan, gaar ahaan deegaanka Bazouriyeh, ee degmada Tire .
Qoraal ay soo dhigtay baraha bulshada ururka Xisbullaah ayay ku sheegtay in la dilay nin adeer u ahaa hoggaamiyihoodii la dilay, waxaana adeerka Nasrullaha ee weerarka lagu dilay lagu magacaabi jiray Abu Haider Nasrallah
Xisbullaah ayaa shaacisay in Abu Haider lala dilay xubno katirsan qoyskiisa oo guriga la joogay , waxa ayna kooxda sheegtay in ka aargudan doonaan ciidamada Israa’iil ee sida gardarada ah u dilaya shacabka reer Lubnaan.
Ciidamada Israa’iil ayaa horey u dilay Sheekh Hassan Nasrallah, oo 64 jir ahaa, kaa oo ururka Xisbullaah hoggaaminayay muddo 32-sanno ah, waxa uuna hoggaamiyahan ahaa mid dagaallo adag la galay Israa’iil culees badana ku haya.
Xafiiska Shabakada Allbanaadir.com
Muqdisho Somalia
Allbanaadir@live.com
