Wasiirka Wasaaradda Waxbarashada Xukuumadda Soomaaliya ahna guddoomiyaha guddiga Gurmadka qaran ee weerarkii xeebta Liido Faarax Sheekh Cabdulqadir, ayaa xarunta dhexe ee hay’adda SoDMA ku shir Guddoomiyay kulanka guddiga gurmad qaran.
Shirkaan ayaa intii nuu socday looga hadlay xaalada ay hadda ku sugan yihiin qaar kamid ah dadkii ku dhaawacmay weerarkii xeebta Liido , waxa ayna guddiga isla garteen in la garabsiiyo dadka dhaawacyada qaba oo qaarkood wali isbitaallo ku jiraan.
Guddiga ayaa sidoo kale isku raacay in lacag min 2,000 oo dollar la siiyo qoysaska ehelladooda ku waayay weerarkii xeebta Liido, kuwaas oo haatan inta la xaqiijiyay gaaraysa dhimashadooda 41 ruux ,balse inta la hubiyay ee lacagta la siinayo ayaa ah 31 qof ehelladooda kuwaas oo maray habraacyada hay’adda.
Xukuumadda Soomaaliya ayaa lacag ugu deeqday dadkii ay waxyeeladu kasoo gaartay weerarkii Al Shabaab ku qaadeen xeebta Liido, waxaana weerarkan ku dhintay dad ka badan 41-qof, halka ay ku dhaawacmeen tiro intaas ka badan, dhaawacyada qaar ayaana wali lagula tacaalayaa isbitaallo.
Xafiiska Shabakada Allbanaadir.com
Muqdisho Somalia
Allbanaadir@live.com
