Wararka ka imaanaya dalka Uganda ayaa sheegaya in madaxweynaha dalkaasi, Yoweri Museveni laga helay cudurka Covid-19 , sida laga soo xigtay masuul sare oo katirsan wasaaradda caafimaadka dowladda Uganda.
Xoghayaha joogtada ah ee Wasaaradda caafimaadka Uganda , Diane Atwine ayaa sheegtay in madaxweynaha laga helay Covid-19, waxa ayna intaa ku dartay in xaalada madaxweynaha hadda tahay mid wannaagsan uuna wato shaqadiisa.
“Madaxweynaha waxaa laga helay cudurka COVID-19. Tani waxay ahayd kadib markii ay soo baxeen astaamo u eg hargab fudud. Si kastaba ha ahaatee caafimaadkiisu waa wanaagsan yahay, wuxuuna ii si caadi ah u gudan doonaan waajibaadkiisa” ayey tiri Diane Atwine.
Madaxweyne Yoweri Museveni ayaa shalay oo Arbaco aheyd mar uu khudbad ka jeedinayay xarunta baarlamaanka sheegay in uu dareemayo qabow iyo qunfac uuna shaki ka qabo in uu ku dhacay cudurka Covid-19.
