Salaax Jamal Khashoggi oo ah wiilka ugu weyn caruurta Wariyaha lagu dhax dilay Qunsuliyada Sacuudiga ee magaalada Istanbuul ayaa ka dagay dalka Mareykanka kadib markii laga qaaday xayiraad saarneyd.
Wiilka Wariyaha la dilay iyo xubno kale oo qoyskiisa kamid ah ayaa gaaray dalka Mareykanka, waxa ayna xubnahan ka tageen Dalka Sacuudiga ay kunoolaayeen kadib markii loo ogolaaday in ay safri karaan.
Boqor Salman iyo Amiir Maxamed Bin Salman ayaa dhawaan la kulmay Salaax Jamal Khashoggi , waxa ayna uga tacsiyadeeyeen geerida aabihiis ay ka dambeeyeen xubno katirsan Sirdoonka Sacuudoga aadna ugu dhawaa Maxamed Bin Salman.
Sacuudiga ayaa wali dhaleeceyn xoogan kala kulmeysa dilka loo geestay Wariye Jamal Khashoggi oo aad u dhaliili jiray Boqortooyada Sacuudiga, waxaana wariyahan lagu dhax dilay gudaha Qunsuliyada Sacuudiga ku leeyahay Istanbuul.
Warbaahinta qaarkood ayaa sheegaya in suurto gal tahay in Wiilka Wariyaha la dilay iyo xubanaha kale ee Qoyskiisa kamid ah si adag uga hadlay dilka Wariye Jamal oo la tuhmayo in ay maleegeen xubno sare oo katirsan Boqortooyada Sacuudiga.
