Wasaaradda arrimaha Debadda Koonfur Afrika ayaa Nuqul ka mid ah warqadda Aqoonsiga ka gudoontay Safiirka Cusub ee Soomaaliya u magacowday dalkaasi.
Munaasabadda oo ka dhacday xarunta Wasaaradda arrimaha dibadda Dalkaasi Koonfur Afrika ayuu Danjire Maxamed Sheekh Isxaaq oo ay wehliyaan Diblomaasiyiinta safaaradda waxaa uu ku wareejiyay warqadaha Aqoonsiga ku simaha agaasimaha protocol-ka ee wasaarada Arrimaha dibadda ee Koonfur Afrika.
Labada masuul ayaa isla soo hadal qaaday xiriirka qotada dheer ee ka dhaxeeya labada dowladood ee soo jireenka ah iyo sido kale dhinacyada u baahan in iskaashi laga sameeyo.
Danjire Maxamed Sheekh Isxaaq oo ka mid ahaa danjireyaal ay dhowaan dowlada Somalia u magacowday safaaradaha dibeda ayaa la filayaa inuu maalmaha soo socda warqadihiisa danjirenimo gudoonsiiyo madaxweynaha Koonfur Afrika.
