Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre ayaa ka qeyb galay affur wadareedka sannadlaha ah ee is aragga xukuumadda iyo bulshada qeybaheeda kala duwan.
Affurkan waxaa sidoo kale ka qeyb galay wasiirro katirsan xukuumadda Federaalka Soomaaliya, Xildhibaanno katirsan labada Aqal ee Baarlamaanka, masuuliyiin heer goboleed, saraakiil iyo masuuliyiin kale oo dowladda katirsan.
Xafiiska Xamse Barre ayaa sheegtay in affurka Ra’isul Wasaaraha Xukuumadda iyo masuuliyiinta kale la qaateen shacabka uu yahay mid lagu xoojinayo isu soo dhaweynta Xukuumadda iyo shacabka Muqdisho.
Xukuumadda Ra’isul Wasaare Xamse Barre ayaa dooneysa in ay kasbadaan quluubta bulshada Soomaaliyeed ee ku dhaqan Muqdisho oo xilligan la daalaa dhacaya ammaan darro iyo dhaqaalo xumo baahsan.
Xafiiska Shabakada Allbanaadir.com
Muqdisho Somalia
Allbanaadir@live.com
