Ciidanka Xoogga dalka ayaa howlgal qorsheysan oo ay ka sameeyeen degaano ka tirsan gobolka Bay waxay ku khaarajiyeen Sarkaalkii u qaabilsanaa Al-Shabaab gobalada Bay, Bakool iyo Gedo.
Ururka 47-aad Guutada 8-aad Qeybta 60-aad ee Ciidanka xoogga dalka ayaa fuliyay Howlgalka lagu dilay sarkaalkan oo Al-shabaab u qaabilsanaa wax loogu yeeray baada laga qaado jiray shacabka.
Howlgalkani waxaa uu ka dhacay nawaaxiga degaanada Mooda-moode, iyo Daynuunaay gobolka Baay.
Taliyaha Ururka 47-aad guutada 8-aad qeybta 60-aad XDS X/lle Axmed Maxamed Nuur (Axmed Nuur Dhagey) ayaa Warbaahinta u sheegay in howlgalka ay ku dileen Xuseen Caddow Jilib-gaab oo Al-Shabaab u qaabilsanaa lacago canshuuro lagu sheego oo laga qaado shacabka ah ee ku dhaqan gobolada Bay, Bakool, iyo Gedo.
