Ciidamada xoogga dalka Soomaaliyeed iyo kuwa dadka deegaanka ayaa maanta howlgal amni xaqiijin ah ka wada dhulka howdka ah ee deegaanada Ciid-ciidka iyo Cali-Fooldheere oo hoos taga degmada Mahadaay ee gobolka Shabeellada Dhexe.
Howlgalkan ciidanka ka wadaan deegaannadan dhawwaan laga saaray xubno badan oo Al Shabaab katirsan waxaa hoggaaminaya Taliyaha ciidanka dhulka ee milatariga Soomaaliya G/Sare Dayax Cabdi Cabdulle.
Ciidamada ayaana dhulka howdka ah ka raadinaya kooxo Al Shabaab katirsan oo laga yaabo in ay ku jiraan, waxa ay sidoo kale ciidamada halkaasi kawadaan howlgalo ay ku xaqiijinayaan amniga dhulkaasi howdka ah.
Howdka deegaanada Ciid-ciidka iyo Cali-fooldheere ayaa waxaa saldhig ka dhigtay godod waa weyna ka qotay dagaallamayaal katirsan kooxda Al Shabaab , kuwaa oo maalmo badan lagu garaacayay duqeymo ,sidoo kale lagu hayay weerar toos ah.
Xafiiska Shabakada Allbanaadir.com
Muqdisho Somalia
Allbanaadir@live.com
