Xildhibaan katirsan baarlamaanka dowlad goboleedka Jubbaland ayaa habeenkii labaad ku xiran saldhigga magaalada Mandheera ee gobolka waqooyi bari ee dalka Kenya, waxaana xogo cusub kasoo baxayaan sababta ka dambeysa xariga xildhibaanka.
Warbaahinta dalka Kenya ayaa baahisay in xildhibaan Yuusuf Maxamed Gurxan laga soo xiray boosteejada basaska, waxaana xildhibaanka lagu eedeeyay in uu si been abuur ku qaatay kaarka aqoonisa Kenya ee loo yaqaan kibaandhaha.
Madaxa waaxda dambi baarista ee dalkaasi Kenya Gitari Muchira ayaa sheegay in xildhibaanka lasoo taagi doono maxkamad, waxa uuna xusay in lagu heesto in uu ka been abuuray dhalashadiisa uuna si qaldan ku qaatay kaarka aqoonsiga Kenya.
Xildhibaankan ku xiran magaalada Mandheera ee dalka Kenya ayaa sidoo kale la sheegay in dalka Kenya si qaldan kusoo galay, waxaana socda dedaalo lagu doonayo in xildhibaanka dib ugu helo xuriyadiisa.
Sharciga dalka Kenya ayaa waxaa heesta Soomaali badan oon dhalasho ahaan kasoo jeedin dalkaasi, waxaana helitaanka sharcigan lagu bixiyaa lacag badan ,iyadoo loo sii marayo muqalasiin hooshaasi ku xeel dheer.
