Ciidamada Xoogga dalka oo taageero ka helaya dayuuradaha wax duqeeya ee Mareykanka ayaa maanta howlgal balaaran ka wada degaano ka tirsan Sh/hoose.
Warbaahinta DF ayaa sheegtay in howlgalkaas uu weli socdo, dagaalo culusna ay dhacayaan.
“Howlgal ay sida wadajir ah u samaynayaan Sirdoonka Qaranka iyo saaxiibada caalamiga ah ayaa hadda ka socda Tuulada Buula Maxamed Cabdalla oo hoos tagta degmada Aw-dheegle ee Gobalka Shabeellaha Hoose” ayaa lagu yiri qoraalka warbaahinta DF
Inta la ogyahay 19 ka tirsan Khawaarijta Al-Shabaab ayaa lagu dilay howlgalkan, iyadoo Saraakiil ka tirsan Ciidanka DF ayaa Warbaahinta u sheegeen in sidoo kale la burburiyay Gaadiid iyo Hub ay lahayeen Alshabaab.
