Waxaa goor dhow ka bilaabatay magaalada Dhuusamareeb ee gobolka Galgaduud doorashada kursi ka banaanaa golaha shacabka Somalia.
Waxaa doorashadan ku tartamaya labo musharax oo kala ahaa Jen. C/llaahi Gaafow Maxamuud taliyihii hore ee NISA iyo Xiirey Muxudiin Cumar.
Inta aysan ergooyinka bilaabin Codeynta ayaa musharaxa Xiirey Muxudiin Cumar waxaa uu goobta ka sheegay inuu u tanaasulay musharaxa la tartamaya oo ah Jen. Gaafow.
Balse, Guddiga madaxa banaan ee doorashooyinka ayaa sheegay in nidaamka doorashada uu dhigayo in xitaa haddii uu tanaasulo musharax doorashada la qabanayo, ergooyinkana ay diidmo ama doorasho ugu codeynayaan musharaxa haray.
Ergooyinka ayaa hadda bilaabay iney codeeyaan iyadoo doorashada uu ku soo haray Jen. Gaafow oo aysan jirin cid la tartameysa maadaama uu tanaasulay musharadxii la tartamayey.
La soco wixii soo korsha.
Xafiiska Shabakada Allbanaadir.com
Muqdisho Somalia
Allbanaadir@live.com
