Ugu yaraan labo Askari oo ka tirsan ciidamada dowladda ayaa lagu dilay weerar ka dhacay Suuqa Bakaaraha ee magaalada Muqdisho.
Weerarkan ayaa yimid ka dib markii kooxo hubeysan ay rasaas ku fureen gaari ay la socdeen askarta la dilay oo ku sugnaa Suuqa Bakaaraha sida ay sheegeen dad goob joogayaal ah.
Kooxaha dilka geystay oo la aaminsan yahay iney ka tirsan yihiin kooxda Al-shabaab ayaa ka baxsaday goobta.
Ciidamada amaanka dowlada Somalia ayaa gaaray goobta iyagoo halkaas ka qaaday meydadka askarta la dilay oo ku jiray gaari lagu dhex dilay, waxayna halkaas ka sameeyeen howlgalo kala duwan.
Goobta lagu dilay askarta oo markii hore uu ka dhacay kala carar iyo khal khal fara badan ayaa caadi ku soo laabtay saacado ka dib markii ay halkaas ka tagaeen ciidamadii gaaray.
Xafiiska Shabakada Allbanaadir.com
Muqdisho Somalia
Allbanaadir@live.com
