Guddoomiyaha degmada Baraawe ee gobolka Shabeelaha Hoose Aadan Cumar Madoobe iyo masuuliyiinta amniga ee degmadaasi ayaa amarro dul-dhigay shacabka halkaas ku nool.
Aadan Cumar Madoobe ayaa sheegay in degmada ay ka mamnuuceen Xirashada Indha-shareerka ama niqaabka sababo la xiriira dhinaca amaanka awgood, isagoo xusay in dhowaan degmada lagu qabtay rag watay indha sharer oo damacsanaa iney geystaan falal amni daro.
Sidoo kale, dumarka ayuu sheegay in laga joojiyay xerashada dharka aan asturneyn, wuxuuna xusay in dumarka looga baahan yahay iney xirtaan Jalbaab iyo dharka kale ee adag,
Baraawe ayuu sidoo kale sheegay in laga mamnuucay Ciyaaraha aroosyada ee sida wadajirka ah ay uga qeyb qaataan gabdhaha iyo Wiilasha taasoo uu sheegay Guddoomiyuhu iney khilaafsan tahay shareecada Islaamka.
Shacabka degmada Baraawe ayaa siyaabo kala duwan uga hadlay amaradan, iyadoo qaarkood ay soo dhoweeyeen, qaar kalena ay dhaliileen.
Xafiiska Shabakada Allbanaadir.com
Muqdisho Somalia
Allbanaadir@live.com
