Askari katirsan ciidanka dowladda ayaa saakay isgooska Soobe ee magaalada Muqdisho ku dhaawacay nin shacab ah oo la sheegay in uu ahaa wade mooto bajaaj.
Wararka la helayo ayaa sheegaya in askariga xabbad ku dhuftay darawalka mooto bajaajta oo magaciisa lagu sheegay Cabishakuur Cabdullaahu Cabdi , waxaana goobta lagu qabtay askarigii dhaawaca geestay sida goobjoogayaal sheegeen.
Ciidanka dowladda Soomaaliya ayaa kordhiyay dilalka iyo dhibaatada ay u geesanayaan dadka shacabka ah gaar ahaan darawalada ku shaqeeysta mooto bajaajta.
Dilkan ayaa imaanaya xilli ammaanka magaalada Muqdisho sii xumaanayo maalmihii lasoo dhaafay , waxaana magaalada ka dhacaya dilal ay geesanayaan ciidanka dowladda iyo kooxo hubeesan.
