Ciidanka milatariga Soomaaliya iyo kuwa deegaanka ee dhawwaan la wareegay degmada Galcad ee gobolka Galgaduud ayaa wararku sheegayaan in halkaasi isaga soo baxeen, kadddib weerar culus oo Al Shabaab ku qaadeen degmadaasi.
Sida aan wararka ku heleyno ciidanka dowladda iyo kuwa deegaanka ayaa isaga baxay gudaha degmada Galcad, waxa ayna ciidankan fariisimo cusub ka dhigteen duleedka degmada Galcad .
Al Shabaab ayaa shalay weerar culus ku qaaday saldhig ciidanka xoogga dalka ku lahaayeen degmada Galcad, waxaana weerarkaasi lagu dilay ciidan katirsan milatariga Soomaaliya uu ku jiray taliye kuxigeenkii ciidanka Danab.
Saraakiisha ciidanka dowladda ayaan wali ka hadlin ka bixitaanka ciidanka xoogga dalka iyo kuwa macawuusleyda ee demada Galcad, waxa ayna ka bixitaanka ciidankan imaaneysa xilli ciidanka dowladda dhawwaan la wareegeen degmooyin Al Shabaab heesteen.
Xafiiska Shabakada Allbanaadir.com
Muqdisho Somalia
Allbanaadir@live.com
