Abaanduullaha Guutada labaad ee Ciidamada Xoogga dalka Cali Cariif ayaa ka badbaaday qarax loogu xirey gaarigiisa oo ka dhacay degmada Balcad ee gobolka Sh/dhexe.
Cali Cariif ayaa gaarigiisa xilliga uu qarxayay waxa uu ku jiray gudaha Warshada Dharka Somalitex ee degmda Balcad.
Goob-joogayaal ayaa sheegaya in qaraxaas ay ku dhaawacmen ilaa 5 askari oo ka mid ah ilaalada abaanduulaha kuwaasoo loo soo qaaday isbitaalada magaalada Muqdisho.
Maamulka degmada Balcad ee gobolka Sh/dhexe ayaan ka hadlin qaraxa ka dahcay gudaha degamdaas oo maalmaahan ay ku soo bateen weerarada Al-Shabaab.
Xalay iyo habeeno ka horeeyey ayey aheyd markii tiro hoobiyeyaal ah xoogaga Al-Shabaab ay ku soo weerareen fariisin ciidamada AMISOM ku leeyihiin degmda Balcad.
Xafiiska Shabakada Allbanaadir.com
Muqdisho Somalia
Allbanaadir@live.com
