Midowga musharaxiinta u taagan xilka madaxweynaha maamulka Koonfur Galbeed ayaa si kulul u cambaareeyay weerarkii saakay lagu qaaday guri Baydhabo ku leeyahay musharax Madaxweyne Maxamed Aadan Fargeeti .
Musharaxiinta ayaa sheegay in weerarka lagu qaaday guriga Fargeeti ka dambeeyeen saraakiil katirsan ciidamada milatariga, booliiska, iyo NISA, waxa ayna tacsi u direen dadkii ku dhintay dagaalkii ka dhacay Baydhabo.
Qoraalka kasoo baxay midowga musharaxiinta Koonfur Galbeed ayey ku sheegeen in Laftagreen ku yimid doorasho dhiig ku daaday, haddana uu mar kale dhiig u daadinayo sidii uu kusii joogi lahaa kursiga.
