Iyadoo ay ka sii darayaan rabshadaha saaka ka bilowday magaalada Jigjiga ee xarunta dowlad degaanka Soomaalida Itoobiya ayaa wararkii ugu dambeeyey ee halkaas naga soo gaaraya waxay sheegayaan in la gubay kaniisad halkaas ku tiilay.
Kaniisadan ayaa waxaa la sheegay iney wax ku caabudaan dadka aan Soomaalida aheyn ee heysta diinta Masiixiga,.
Hantida ay magaaladaas ku leeyihiin dadka ka soo jeeda qowmiyadaha kale ee Itoobiya ayaa la soo sheegayaa in boob iyo bililiqo lagula kacayo.
Dhalinyaro lagu magacaabo (Heego) oo taageera Madaxweynaha maamulka Cabdi Maxamud Cumar ayaa Dhalinyarada taageersan Cabdi Iley ayaa baraha bulshada ka wada olole ay ku sheegayaan in ciidamada la geeyay Jigjiga ay yihiin kuwo Oromo ah, waxayna dadka ugu baaqayaan inay la dagaalamaan.
Ciidamada federaalka ee la dhigay bartamaha magaalada ayaa halkaas baneeyey, iyagoo isku kooban xarumaha maamulka markii ay ka hor yimaadeen kumanaan shacab ah oo tuuryo roobka uga dhigay.
La soco wixi soo kordha
Xafiiska Shabakada Allbanaadir.com
Muqdisho Somalia
Allbanaadir@live.com
