Xaakimka Maxkamada Florida ee dalka Mareykanka ayaa lagu wadaa inuu si rasmi ah xabsi daa’in ugu xukumo Nikolas Cruz oo ahaa ninkii dilay 17 arday iyo shaqaalihii iskuul ku yaalla Parkland.
Xeerbeegtida ayaa bishii hore u codeeyay in Cruz, oo 24 jir ah, laga cafiyo ciqaabta dilka ah, taa beddelkeedana ay doortaan xabsiga daa’imka iyadoo aan suurtagal ahayn in lagu sii daayo cafis mid ka mid ah toogashadii ugu dhimashada badneyd ee taariikhda Mareykanka.
Cruz ayaa sanadkii hore qirtay dambiga ah inuu geystay dil bareer ah, ka dibna wuxuu wajahay saddex bilood oo ciqaab ah horaantii sanadkan.
Tiro ka mid ah qaraabada dhibanayaasha ayaa ku gacan sayray go’aanka xeerbeegtida waxayna dhaleeceeyeen sharciga gobolka ee ah in dhammaan 12 xeerbeegti ay ku midoobaan in dilka xabsi daa’in loogu bedelo, Qaar ka mid ah qaraabada ayaa sidoo kale dhaleeceeyay qareennada difaacaya Cruz.
Cruz wuxuu ahaa 19 jir markii uu weeraray Dugsiga Sare ee Marjory Stoneman Douglas ee Parkland, oo qiyaastii 30 mayl (50 km) waqooyi ka xigta guriga maxkamadda ee Fort Lauderdale.
Xafiiska Shabakada Allbanaadir.com
Muqdisho Somalia
Allbanaadir@live.com
