Dowlada Somalia ayaa war cad ka soo saartay xiisada u dhexeysa dowladaha Mareykanka iyo Shiinaha
“Dowladda Jamhuuriyadda Federaalka Soomaaliya waxaay mar kale ku celinaysaa taageerada joogtada ah ee ay u hayso madax-bannaanida Shiinaha, madaxbannaanida siyaasadeed, madaxbannaanida dhuleed iyo midnimo qaran, waxayna ku baaqaysaa in loo hoggaansamo qaraarrada Qaramada Midoobay iyo Midowga Afrika ee khuseeya” ayaa lagu yiri qoraal ka soo baxay wasaarada arrimaha dibeda Somalia
Qoraalka ayaa lagu sheegay in dowlada Somalia ay si buuxda u garab taagan tahay Shiinaha.
“Dowladda Federaalka ah ee Soomaaliya waxay cadeyneysaa in ay si buuxda ula garab taagan tahay Jamhuuriyadda Shacbiga Shiinaha si ay u difaacdo madax banaanideeda iyo wadajirkeeda dhuleed, iyadoo dhanka kale cadeysay mowqifkeeda adag ee ku aadan in la ixtiraamo siyaasadda hal-abuurka ah ee Shiinaha, iyadoo u aragta in Taiwan ay tahay qeyb ka mid ah dhulalka Shiinaha” ayaa sidoo kale lagu yiri qoraalka.
“Soomaaliya ayaa xiriir soo jireen ah la leh Shiinaha, iyadoo iskaashiga labada dal ee saaxiibada ah ay ku kala soocan yihiin dhinacyada siyaasadda, dhaqaalaha iyo horumarinta ee faa’iidada guud, iyadoo ay sii dheer tahay isku xirka jagooyinka heer gobol iyo heer caalami.” ayaa lagu soo gebagebeeyey War saxaafadeedka ka soo baxay DF.
HOOS KA AKHRISO QORAALKA DOWLADA OO ENGLISH AH:-
