Ciidanka Hay’adda Sirdoonka & Nabadsugida Jubbaland ayaa galabta fashiliyey miino Al-shabaab gaariga ugu xireen mid ka mid ah dhalinyarada xaafada Guulwade ee magaalada Kismaayo.
Saraakiisha Ciidankaas ayaa sheegay iney ku guuleysteen inay si ammaan ah uga furaan miinada gaariga taasoo ahayd nooca dhajiska ee loo isticmaalo gaadiidka.
“Waxaan u mahadcelineynaa bulshada magaalada Kismaayo ee sida joogtada ah u soo wargelinaya ulana shaqeynaya laamaha amniga” ayaa lagu yiri qoraal ka soo baxay Hay’adda Sirdoonka & Nabadsugida Jubbaland.
- Advertisement -
