Hawlgalka AMISOM ayaa beeniyey eedeymo loo jeediyey oo sheegayey inaysan ciidankooda si dhow ugala shaqeynin Ciidanka dowlada sidii ay hoos ugu dhigi lahaayeen awoodda Al-shabaab.
Qoraal ka soo baxay Hawlgalka AMISOM waxaa lagu sheegay inay ciiddanka dowlada si buuxda isaga kaashadaan sidii lagu dhisi lahaa awoodooda la-dagaalanka Alshabaab iyo Soo-celinta Nabadda iyo deganaanshaha Somalia.
Qoraalka Taliska AMISOM ayaa waxaa uu jawaab u ahaa hadal ka soo yeeray Saraakiisha Milliteriga ee ku sugan Jubbooyinka oo ku eedeeyey ciiddanka AMISOM ineysan ka taageerin dagaalkii ay dhawaan Alshabaab kula galeen degaanka Baar Sanguuni ee duleedka Kismaayo.
Kumanaan ka tirsan Ciidanka Kenya ee qeybta ka ah hawlgalka AMISOM ayaa jooga gobaladda Jubbooyinka kuwaasoo intooda badan la sheego inay iyaga iyo Maamulka Jubbaland ku mashquulaan canshuuraha ay ka qaataan Dhuxusha laga dhoofiyo Dekedda.
Xafiiska Shabakada Allbanaadir.com
Muqdisho Somalia
Allbanaadir@live.com
